| تبليغات | X |
جێگاي پهخشان و وانه و چامهيه
كاني سازگار و ديمهني جواني
موسيقاي تاڤگه و سروهي بهياني
ئهمانه ههمووي ئهويني دڵن
ئاوێنهي پاكي بێگهردي گوڵن
باغچهي شاعيران وا پڕ له رازه
پڕ له گوڵي جوان، رازاوه و تازه
مهڵبهندي زانين خۆشه موكريان
جێگاي ئهديب و حوزني موكريان
سڵاو مام ههژار به گهرمه شينێ
ههواڵ بنێرێ بۆ مهم و زينێ
مهلاي جزيري و خهيام به كوردي
زۆر بڵيندتره له چياي ههڵگوردي
مامۆستاي شێعر ههر ئهتۆي هێمن
ناڵهي جودايي ههتوانه بۆ من
تاريك و روونت زهرياي بێبنه
سهرچاوهي روونه وهك ئاوي زنه
يادي بهخێر بێ حافزي دانا
له سهختي ژينا، دوو چاوي دانا
بێبههره نهبوو بۆ كوردهواري
دياري مههابادي هێنا به دياري
ئاخ بۆ ئاواتم لهگهڵ خاسهكهو
بێشكهي ئازارم راژێنێ به شهو
شێعري شاري دڵ مهرههمي زامه
بۆ باسي جواني خامهكهم خامه
سواره نوێخواز و شاعيري ناكام
رێبازي خۆي گرت تا گهييه ئاكام
خهوهبهردينه لهگهڵ شێعري شار
گوڵي سهرچڵن له باخچهي بههار
وهك بهحري بێبن غهواسي ئهوێ
مهلهواني ئهوێ و لهپێ نهكهوێ
نهسر و چيرۆكي قزڵجي جوانه
وهك ئاوي ههڵدێر ساف و رهوانه
داخ و مهخابن ئهو ژيرهپياوه
له دنياي ژينا قهت نهحهساوه
يادگاري هێدي كارواني خهياڵ
زۆر بهرزهفڕه ههڵۆي وا تيژباڵ
ههوێني ئهوين دهرسي نيشتمان
رندۆكي خامهي له چاوان رژان
شهونم حهقيقي و كۆلكهزێڕينه
شێعري داره بووز گهرمي ئهوينه
بێسهر و شوێنه پسپۆڕي زمان
نامرێ و زيندووه و تا ئاخر زهمان
قامووسي نووسي به بيري وردي
زهبيحي ئهتۆ، بيرمهندي كوردي
مهلاكهريم و بووكي گۆڕستان
راوچي بێوێنه له چيا و له كوێستان
پێنووسي ههستي وهسێتي ژيان
زيندووي كردهوه، رابردووي ههستان
كێ ههڵۆئاسا ژيا له ژينا
موريدي حهقه له رێي ئهوينا
نامرێ له مێژوو ناوي به چاكه
كێ سهربهست ژيا، لهسهر ئهم خاكه
نوشته شده در شنبه پنجم فروردین 1385ساعت 7:49 توسط عهلي گوڵي
|
دهستهكانم دوو كۆترن
كه دهنووكي خامهيان
بۆ چيمهني سهوزي شێعر برد
دهستي راوچي...
به رهنگي سووري چاوي پێنووس
لێوي شێعر دهڕێژن
بۆ زهماوهندي بووكي بهياني!
نوشته شده در شنبه پنجم فروردین 1385ساعت 7:48 توسط عهلي گوڵي
|
كهوشهكانم
تهنيا زۆردارێكن
بێئهوهي ئێش و ئازاري
لاقهكانم بيستن
بۆ گۆڕهوشاري پهنجهكان...
ههواڵي راستي گۆرهوييه
له كاتي گيانكهنيشتا نهبێ
ماڵاواليي ناكهن
له بهندي تاريكي قاچهكانمدا....
نوشته شده در شنبه پنجم فروردین 1385ساعت 7:48 توسط عهلي گوڵي
|
بۆ زهماوهندي خاك
سێڵاوێكي سهرشێتم
شهقاو شهقاو
به ناو دار و بهرد و رووباردا
لهگهڵ چهپڵهڕێزاني
خيزهڵان و ههڵپهڕكێي ماسيدا
سهفهر دهكهم
بۆ دهريا ــــــــــــــــ دهريا
نوشته شده در شنبه پنجم فروردین 1385ساعت 7:47 توسط عهلي گوڵي
|
سهرچۆپي دهگرين
بۆ ههر گێژهڵووكهيهك
به بزهي ههر درزێك
بزهمان دێ
دهبينه تاڤگهي پێكهنين و
له خۆشياندا بێهۆش دهبين
بۆ شايي شاي جنۆكان
دهبينه قنگهلاشكي دهم گژهبا
بۆ ههر كوێي بردين
سهما دهكهين، ههڵدهپهڕين
بۆ ساتهكان
كه رێوي گۆرانيبێژ
لايهلايهي بۆ كردين
پهنجێرهي چاومان
هيچ نابيستێ
دهيبهستين.
گوێچكهمان تاريكه و
هيچ نابينێ
ههنگاوهكاني سێبهري شهو
پهپوولهي سهوزمان
پهڵه ههورێكه سهرگهردان
دهگهڕێ گشت ئاسماني جيهان
بێئارامه
تا نهگاتهوه ئاسماني كوردستان
نوشته شده در شنبه پنجم فروردین 1385ساعت 7:47 توسط عهلي گوڵي
|
سنووري شاعير دوور و درێژه
تاڵي و سوێري له سهر بچێژه
رهوڕهوهي هيوا دهڕوا بێ وهستان
شهختهي پايزي زوو دێ بۆ بێستان
بولبول و شاعير ههر دوو هاودهردن
ههر دوو عاشقي ئازادي و ههردن
بولبول گوڵاڵهي باخي ژاكاوه
به جهوري خهزان جهرگي سووتاوه
ئهمنيش به ئێش و ئازاري ئهوين
جهرگم سووتاوه به خوا كاك «ئهمين»[1]
وهرن ئهمين گيان له گهڵ «نيساري»[2]
وهك ههڵۆ بژين بۆ كوردهواري
ههر سێ تێكۆشين له رێي نيشتمان
بۆ خۆشي ژيان، بوو بهرزي ئينسان
مهل كاتي بههار سهرخۆش و مهسته
شاعيريش كاتێ سهري سهربهسته
نوشته شده در شنبه پنجم فروردین 1385ساعت 7:47 توسط عهلي گوڵي
|
ئازادي كه باڵ بگرێ، له چيا ژياني ئهوێ
چيا و دۆڵ و دارستان، بێدهنگي مهل خامۆشه
ئاوازي خوڕهي ههڵدێر، مهلي خۆشخواني ئهوێ
گوڵاڵه سوورهي دڵم، سووچي گوڵخاني ناوێ
پڕشنگي تيشكي ههتاو، نهرمه باراني ئهوێ
«گوڵي»ش ئارهزووي وايه، به ههوڵ و تێكۆشاني
تاريكي شهو لابهرێ، تيشكي بهياني ئهوێ
12/9/72
نوشته شده در شنبه پنجم فروردین 1385ساعت 7:46 توسط عهلي گوڵي
|
جينگڵ دهدهم له جێدا ههر شهو تا بهياني
له ێر ئهشكهنجه و ئازار دهناڵم له دهمي ژاني
تۆز و گهردي تهمباري گرتوويه ئاوێنهي دڵ
كوا پهنجهي نهرمي گوڵم بسڕێ غهور و تهماني
جهستهي كز و بێتينم سڕ بوو به دهردي دووري
كوا ئهويني دڵدارم تيشكي روخساري جواني
له بهر ورشهي ئهستێران رازونيازێ دهكهم
تاڤگهي چاوهكانيشم بهخوڕ دايدا باراني
فرمێسكي زامي شير كۆرپهي ساواي بێنازه
كوا دهستي دايكي ههستم ههتوان بكا زاماني
شاعيري ئهوينداريش به سواري به گۆراني
ملوانكهي شێعري هۆني بۆ كۆرپهي ساواي جواني
20/9/79
نوشته شده در شنبه پنجم فروردین 1385ساعت 7:46 توسط عهلي گوڵي
|
زانا گوڵهكهم گوێ راگره بۆم
تا بهياني كهم دهردي دڵي خۆم
بابت له مێژه به تاسهي تۆيه
هيوا و ئامانجي ههناسهي تۆيه
چاوت ههڵێنه بڕوانه جيهان
تۆ رۆڵهي كوردي وا له كوردستان
نهمامي ساواي باغچهي ئاواتم
هيواي داهاتووي خاك و وڵاتم
نهمامي شلكي به رۆندكي چهم
ئاوهدێري كهم تا دێيه بهرههم
لهو وته جوانه گوێ بگره
به نووكي خامه بسێني تۆڵه
ئهمن پێت ئهڵێم رۆڵه كه ژيري
زانين فێر به بۆ كاتي پيري
خوێندن چرايه بۆ رێگاي ژيان
تاريكي لابه وهك تيشكي بهيان
ساتێ ژياني ئازاد و سهربهستي
نهك سهد ساڵ بژي به ديلي و پهستي
نوشته شده در شنبه پنجم فروردین 1385ساعت 7:45 توسط عهلي گوڵي
|
دڵدارهكان!!
گوڵ بۆنيان ههناسهي
خاكه.
پهپوولهش رۆحيان
بزهي خاكه.
تاڤگه چاويان به كاني ههڵدێ
درهخت
بۆ ماچي باران و
ئاسمان بۆ كۆلكهزێڕينه.
مانگ دهفهيه و
ئهستێرهكانيش دهروێش.
چراي دڵي شاعيرێك
كز دهسووتێ!
ژيلهمۆي بيرهوهريهكاني
له ناخي كڵي نيوهگياندا
به دهم پێنووسي شنهباي شێعرێكهوه
ژاني پشكۆي كوانووي زامهكاني
دهگهشێتهوه؟!!
خۆڵهمێشي لهشي
له ژێر پێي رێبوارێكي
ماندوودا
دهبێته تۆز و
بهرهو خوا سهفهر دهكا!
رێگا دووره.... دوور
ههر كۆچ دهكهن....
ههتاو
كاني
درهخت
رۆحي سهوزيان
باڵ دهگرێ
بۆ ئاوهداني...
جاڵجاڵووڵكه
له بهر درگاي خهياڵي شاعيرێكي
ئهم سهردهمه
رايهڵ و پۆي
وشه دۆزراوهكاني
مێژوو دهتهنێ.
شاعيريش
مهرگي وشهكان
له بهر دهروازهي
ئاوێنهي روخساري
شههيدا!
گهردهلووله.... گهردهلووله
كه گوڵێ سهر دهبڕن
كه بۆكڕووزي باڵي پهپوولهيهك دێ
شهوهژاني شهم و
ژاني توانهوه دهيگرێ
كه به خهنجهر تێلهكاني
قوڕگي كانياو دهبڕن
ئاسكي بزهي لێوي راو دهكهن
گهڕي ههڵپهڕكێي تاڤگه دهوێستێ
كه دارستان
گهڵايهكي ههڵدهوهرێ
كۆترێك
بۆ پرسه خهم دايدهگرێ
كه ئاسمان
بهر گوللهي قهل دهدرێ
پهلكهزێڕينه زامار دهبێ و
هاواري بۆ عهرشي خوا دهبا!!
كه دهفهي مانگ
ـ پرپرهكاني ـ
فرمێسك دهڕێژن
ئهستێرهكان حاڵ دهيانگرێ و
له خۆ دهچن.
شاعيريش وهختێ پێنووسهكهي
بوو به گۆچاني دهستي كهسێ
چي وشهيه
چهمهرچۆپي بۆ دهگێڕن
ئــــاي.....
ئـــهگــهر........
خاك؟!؟!؟
بۆكان 18/12/1382
نوشته شده در شنبه پنجم فروردین 1385ساعت 7:45 توسط عهلي گوڵي
|
بۆ ئهمين گهرديگلاني
خوا يهكه
ئاسمان يهكه
رۆژ رووناكه و رووناك
مرۆڤ ههر مرۆڤه و بێ بڕانهوه
ژيان ههر ژيانهوهيه و بێ شين
هيوا سهوزه، سهوز بێ چرۆ
ئهوين سووره، سوور بێ ههڵوهرين
ئاسۆمان پهنجهرهيهكه
چاوي هيچ دووربينێ نايبينێ، نا نا !!
شهو ههر تاريكه و تاريك
باڵتهي سهر شانم
هيچ ههنگاوێ نابينێ
تهمه تهم
مرۆڤ و خاك،
رۆژ و ژيان
هيوا و ئهوين
دوو باڵي مهلي عهشقن
دڵۆپ دڵۆپ دهتوێنهوه
بێدهنگ بێدهنگ
بێ شوێن بێ شوێن
نوشته شده در شنبه پنجم فروردین 1385ساعت 7:45 توسط عهلي گوڵي
|
نوشته شده در شنبه پنجم فروردین 1385ساعت 7:44 توسط عهلي گوڵي
|
نوشته شده در شنبه پنجم فروردین 1385ساعت 7:44 توسط عهلي گوڵي
|
نوشته شده در شنبه پنجم فروردین 1385ساعت 7:43 توسط عهلي گوڵي
|
دهچهوسێتهوه،
پۆلووي زامهكانم
ساڕێژ دهبنهوه،
پهپوولهي خهونهكانم
لهسهر چڵي گوڵ ئارام دهگرن،
كه مناڵه رووت و برسييهكان
ههتاوي سهر لێويان
دهپشكوێ...
بۆ لهتێ نان!!!
نوشته شده در شنبه پنجم فروردین 1385ساعت 7:43 توسط عهلي گوڵي
|
جێژني له دايكبووني وشهكاندا
چي وشهي جيهانه كۆبوونهوه
ههر وشهيێك
بهسهرهاتي
خۆي و
بيرهوهرييهكاني نووسي
تهنيا وشهيێك كه بێناو بوو
ناوي من بوو!!!
2/1/1379
نوشته شده در شنبه پنجم فروردین 1385ساعت 7:42 توسط عهلي گوڵي
|
داربهڕوو دهجنێ
ئازاري زامي خاكه وا
تۆپي زهوي
دهههژێنێ!
بۆكان ـ 1/1/1379
نوشته شده در شنبه پنجم فروردین 1385ساعت 7:42 توسط عهلي گوڵي
|
ههڵۆيێك!
لهسهر دوندێك
خهوني به مانگ و ئهستێره و
به ئاسمانهوه دهبيني
كه راچهني
تهڵهداو بوو
ههر چوار دهوري
1/1/1379
نوشته شده در شنبه پنجم فروردین 1385ساعت 7:42 توسط عهلي گوڵي
|
له وڵاتي ئێمه كه ئهويندارێ
زامار دهبێ
پهپوولهكان له دهوري رۆحي شهكهتي
سهما دهكهن.
كه گوڵێكيش ههڵدهپڕووكێ
ههزاران خونچه دهپشكوێ!
كه مانگێكيش ئاوا دهبێ
ههزاران ههزار ئهستێره
له ئاسماني شارهكهمان
گوڵ دهكهن و پێدهكهنن!!!
نوشته شده در شنبه پنجم فروردین 1385ساعت 7:41 توسط عهلي گوڵي
|
ههموو شهوێ
لهبهر ئێشو ئازاري زامي ئهم دڵه ئاوارهيه
خهو له چاوانم دهزڕێ
ههردهم مهلي لانهوازي وهرزي سهوزم
ئاههنگي خهفهت دهچڕێ
قهسابهكاني ئهم سهده
به چهقۆي ژهنگگرتووي مێژوو
جهستهي سڕي ئهم وهرزهم زامار دهكا و
به تهوري قينو بوغزيان
داري سهوزم بنبڕ دهكهن
كۆتري باڵسووتاو له لانهي
رووخاوي ژين دهتارێنن
مێژووي ههموو ميللهتهكان چوار وهرزهيه
مێژووي ئێمهش:
تهنيا وهرزي شهخته و باهۆز و زريانه
خۆێني دڵيش...
جاڕهزۆنگي بێ ههتاوه !
كهشي نايهتهوه زامي
نيگام نيگاي ئهو مهلهيه
كه ههر چوار دهوري تێلبهنده و
دڵ پڕ له تاسهي چيمهنه
مهل و ئاواز
ئهستێره و مانگ
شێعر و پهپووله و گۆراني
ياساغه له ئاسماني بێ ههتاوي ههڵهبجهدا؟
22/10/1376
نوشته شده در پنجشنبه سوم فروردین 1385ساعت 8:37 توسط عهلي گوڵي
|
دهمهو بهيان
پهنجهي نهرمونياني سروه
هێورهێور خۆنچهيێكي رادهژهني
لهپڕ له خهو راچهني
هێشتا چاوي گهرمي خهو بوو
تنۆكي رووني شهونمي لێ نهتكابوو
چاوهڕواني بزهي خۆر بوو
كتوپڕ گێژهڵووكهيێك
پهلكي روومهتي ههڵوهراند
بزهي سهر لێوي بوو به ئاخ
به دوانيگاي ژاكاوي خۆي
چاوێكي له ههتاو كرد و
نوشته شده در پنجشنبه سوم فروردین 1385ساعت 8:37 توسط عهلي گوڵي
|
پهپوولهيێك
له كازێوهي بهيانيدا
به ئاونگي وهنهوشهي لاجانگي بهردێك
دهسنوێژي گرت و
سوژدهي برد بۆ خونچهيێك
خونچه ويستي لێو ببزێوێ و چاوي ههڵێنێ...
ههتاو وتي:
جهخار،جهخار
له وڵاتي مهم و زينا
ياساغه بزهي ئهويندار!
نوشته شده در پنجشنبه سوم فروردین 1385ساعت 8:37 توسط عهلي گوڵي
|
كاتێ ئاگر ههتاوي سهر لێوي دهپشكوێ
مناڵه رووت و برسييهكان
به چهپكێ گوڵي گهزيزه
باوهشێني رۆحي دهكهن
پۆلۆي دهرووني
بزهي دێ
14/1/1376
نوشته شده در پنجشنبه سوم فروردین 1385ساعت 8:36 توسط عهلي گوڵي
|
له دووري تۆ
مهلي شێعرم
ههڵوهريوه باڵ و پهڕيان
گۆمي چاوم شهپۆل دهدا و
ماسي ئاواتهكانم كاس و بێ هيوا
ههر گێژ دهخۆن
جهستهي لاواز و بێهێزم
به تهوژمي پهژارهي دووريت دهلهرزێ
شهختهي ئازار
گوڵاڵهي گهشي خهياڵم دهژاكێنێ
گژهباي سڕي جودايي
گهڵاي يادي رابردوومان
بهرهو گۆڕي ناهومێدي دهڕفێنێ
10/11/1374
نوشته شده در پنجشنبه سوم فروردین 1385ساعت 8:36 توسط عهلي گوڵي
|
مرۆڤي ئازا ئيمان پۆڵايه
له حاندي زاڵم به چۆكدا نايه
مرۆڤي خۆێڕيش ههر ساتوكاتێ
له ههر شوێنێ بێ وهك پووشي وايه
خۆي راناگرێ له بهردهم بادا
پياوي بهوزهش داربووز ئاسايه
بهجۆرێ زهوي دهگرێته باوهش
به هيچ باهۆزێ له ريشه نايه
كردهوهي چاك و شێوهي ئينساني
قهت له بير ناچێ ههر له دڵ دايه
بۆكان 18/2/1370
نوشته شده در پنجشنبه سوم فروردین 1385ساعت 8:36 توسط عهلي گوڵي
|
به ژان و دهردي دووري تۆ گوڵم بيمارم ئهمشۆكه
ئهڕێژم ئهشكي دوو چاوي وهكوو رووبارم ئهمشۆكه
به چهشني ماري زامار بێقهرار خۆم ههڵئهپێچم من
دهناڵێ چهشني نهي ههردهم دڵي زامارم ئهمشۆكه
وهكوو يۆسف لهناو چاڵي رهش و تاريكي حهسرهتدا
نييه كاروان چيێك تاكوو بێته هاوارم ئهمشۆكه
«گوڵي»پهروانه ئاسايي دهسووتێ ئهو دڵهي ديلي
دڵي تاريكي شهو شهق بوو،ئهمن بێدارم ئهمشۆكه
21/11/1370
نوشته شده در جمعه نوزدهم اسفند 1384ساعت 8:9 توسط عهلي گوڵي
|
به ئهويني تۆ گوڵم، چهشني له خۆم بێخهبهرم
دهس لهتۆ ههڵناگرم،شهرته كه بشدهن له سهرم
گهردهلوولي خهمي تۆ،وا سڕ و گێژي كردووم
وهكوو بابڕدهڵهيێك وێڵه دڵي دهربهدهرم
بۆكان 22/12/1370
كوژاوه چراي رۆشني ماڵي دڵهكهم
ههتواني دڵي پڕلهبرين و كوڵهكهم
بولبولي وهرزي خهزانم دهگهڕێم مات و خهمين
وێڵ و ئاوارهيه دڵ دايمه له شوێن گوڵهكهم
چ سانا رۆيي له دهستم نهوجهواني
ههتا پيري نههات قهدرم نهزاني
كه ئێستا باغي عومرم ههڵوهريوه
مهلي شاديم له ژيندا ههڵفڕيوه
رۆژگارم سهراسهر ژان و غهم بوو
چياي ژينم سهراسهر ههور و تهم بوو
ژيانم وا بوو ئهي پێنووس بنووسه
كه ساوا بووم كوڵ و غهم رهوڕهوهم بوو
يادگاري رۆژگاري بيري كرچ و كاڵمن
ههست و سۆزي ئهو دڵهي پڕ ژان و ناكامي منن
فيلمي رابردووي ژيانن، شاهيدي ئهحواڵمن
نوشته شده در جمعه نوزدهم اسفند 1384ساعت 8:9 توسط عهلي گوڵي
|
تا بهيان شيوهن دهكا كهس گوێي له هاواري نييه
دڵ شهپۆلي بهحري ژان و دهرده بێ تۆ چاوهكهم
وێڵي ساحيلي حهز و هيوايه:دڵداري نييه
چۆن دڵي تينووم ئهوين و حهز له ماسي فێربووه
ئاوي تۆ:بێ تۆ بهغهيري مردنێ چاري نييه
گهردهلوولي بێ وهفايي گهر گوڵي دڵ ههڵكهنێ
خۆشهويستي تۆ لهلام: بێ تۆ دڵم ياري نييه
تا به كهي ئازار و ژاني خهم بسووتێنن لهشم
بێرهوه خامۆشي كه:چۆن بێ تۆ خهمخواري نييه
ئهو دڵهي ديل و برينداري «گوڵي» تۆ وهرگره
بيبه بيلاوێنهوه چونكه ئهوينداري نييه
28/10/1370
نوشته شده در جمعه نوزدهم اسفند 1384ساعت 8:8 توسط عهلي گوڵي
|
داخي دووري دايمه زامي دڵ وهسۆ دێنێتهوه
دڵ بهوێنهي شهم به يادي تيشكي رووت دهتوێتهو
يا بهوێنهي خونچهيێك وا گێژهبا دهڕنێ قژي
وهك گهڵاي زهردێ كهوا دهستي له دار بووبێتهوه
يا وهكوو ماسي كه گۆمي ئارهزووي لێ لێڵ ئهكهن
يا وهكوو كارمامزێ وا ههڵوهدا دهخولێتهوه
يا وهكوو ئهييووب كه جهستهي كرمي تێدا بێ ههموو
جهسته خهسته و بێكهس ههردهم بێتهبيب بتلێتهوه
يا وهكوو ياقووب لهتاو گۆشهي جگهر كوێر بوو چهمي
قاسيدێك نايه شيفاي چاوي لهبۆ بێنێتهوه
يا وهكوو «دێوانه»ئاسايي له دواي كۆچ و ههوار
ههڵكزێ وهك شهم، به شێعري شهم بلاوێنێتهوه
وا«گوڵي»ش ههردهم له دووري تۆ لهگهڵ ژان و خهما
شهو به لاي لايهي شێعر ملوێنكي خهم دهگرێتهوه
23/10/1370
نوشته شده در جمعه نوزدهم اسفند 1384ساعت 8:8 توسط عهلي گوڵي
|
له نێو جۆگهي دهمارم داي وهكوو رۆح و رهوان و گيان
قهد و باڵات وهكوو مهحشهر، چ مهحشهر، مهحشهري دهوران
چهمانت سێحره ئازيزم چ سێحرێ؟ سێحري كوففاره
چ كافر؟ كافري رێگر، چ رێگر؟ رێبڕي ئيمان
دهمي تۆ خونچه، كام خونچه؟ گوڵێكي تازه پشكوتوو
چ پشكووتن؟ كه رازاوه به تيشكي ديمهني كوێستان
گڕي بهردا دڵم ئاور، چ ئاور؟ ئاوري دووري
چ دووري؟ گيانهكهم! دووري له باخي جواني كوردستان
«گوڵي» دڵ ههڵپڕووزێنه به شوعلهي گهرمي دڵداري
چ دڵ؟ ئهو پارچه گۆشتهي وا عهشق كردوويه سهرگهردان
15/2/1368
نوشته شده در جمعه نوزدهم اسفند 1384ساعت 8:7 توسط عهلي گوڵي
|
ئهگهر مهيلهكهت فهرامۆشم بێ
سپيدهي كفن باڵاپۆشم بێ
فۆلكلۆر
بۆ يهكهمجار كه تۆم ناسي
ئهي مامۆستاي كۆرپهي شێعرم!
ئهتۆ چهند شارهزايانه دهستت گرتم،
كه به پهيژي خۆشهويستييا سهركهوتم
بزهي لێوت
ههتاوێ بوو،تيرێژهكهي
رووناكي كرد كۆڵاني ههنگاوي هيوام
چاوهكانت فێريان كردم
كه ئاشقي ئاووخاك بم
پهنجهكانت ئهو كاتهي پێنووسي دهگرت
رازي زامي دهرووني شاعيرێكي
وڵاتي بهفر و باراني بۆ دهنووسين!
ئهي ئاوازي بهستهي شێعرم
بۆ جێتهێشتم!
بۆ كۆچي تۆ
لهگهڵ باهۆزي بڕك و ژان
شهو تا بهيان
له ههر شوێنێ ژوان دهگرم
دێراوي زامهكانم...ئاخ
پڕن له فرمێسكي شێعر و
به ههنسكي گرياني پهپوولهي رۆحم
لهگهڵ كۆچي شالووري خهياڵهكانا
به پهنجهي ئازاري دڵم
تێلهكاني تاري سينهم دهلهرزێنم
له ئاههنگي زهماوهندي
دوو كۆتري باڵ نهخشينا
گۆراني ئهسرين و خهفهت
دهڵێمهوه
بۆ به جێتهێشتم!
نوشته شده در جمعه نوزدهم اسفند 1384ساعت 8:6 توسط عهلي گوڵي
|
شهوێكي ئهنگوستهچاو
تۆفوبهنده
لهبهر تهوژمي رهشهبا
شۆڕهبي بهژنم بۆ زهوي كڕنۆش دهبا
ئهسپي زريان
تووڕه و ياخي چهپۆكان دهكا
له مهزراي سام لێنيشتووي خهياڵمدا
رێبوارێكم
بهرهو ههوارگهي ئهوين رێگا دهبڕم
پشووم سواره
زايهڵهي تاري سينهكهم
ههواي ناهومێدي دهچڕێ
ههگبهي رازونيازم له كۆڵم ناوه و
له كوێره رێيێكي بهردهڵان و ههڵهت و
پڕ له ههوراز و نشێو ههنگاو دهنێم و
روودهكهمه شاري ئهوين
شار خامۆشه
له دوور ترووسكهيێك دياره
پهپوولهيێك له دهوري چرا ئهسووڕێ
بۆكڕوزي باڵهكاني تێكهڵ ئهم شهوگاره دهبێ
ههنگاوشل و ماندوو و شهكهت
هێدي.....هێدي
بۆ لاي رووناكي دهخزێم
له ناكاو دهستێكي نهرم
دهستم دهگوشێ...
بۆكان 19/11/1374
نوشته شده در جمعه نوزدهم اسفند 1384ساعت 8:6 توسط عهلي گوڵي
|
پێشكهش به ههموو كچه ديلێك؛
به تايبهت: لهيلا زانا
ههڵۆيهك
له قهفهسدا
ههركه چاوي ههڵدێنا
بهرهو ئاسمان
تێلهكاني قهفهسي دێنا لهرزين
ئاخ!! ئاخ!!
فڕيني وشهيهك
ههر تهنيا وشهيهك
به لێواري چياي گهروومهوه
بهنده
چاوهڕواني چاوي
پهنجێرهي بهيانه
بهيانه.....
نوشته شده در جمعه نوزدهم اسفند 1384ساعت 8:6 توسط عهلي گوڵي
|
 |
POWERED BY BLOGFA.COM |
|