ئێمه‌ي خاوه‌ن مێژوو..

سه‌رچۆپي ده‌گرين

بۆ هه‌ر گێژه‌ڵووكه‌يه‌ك

به‌ بزه‌ي هه‌ر درزێك

بزه‌مان دێ

ده‌بينه‌ تاڤگه‌ي پێكه‌نين و

له‌ خۆشياندا بێهۆش ده‌بين

بۆ شايي شاي جنۆكان

ده‌بينه‌ قنگه‌لاشكي ده‌م گژه‌با

بۆ هه‌ر كوێي بردين

سه‌ما ده‌كه‌ين، هه‌ڵده‌په‌ڕين

بۆ ساته‌كان

كه‌ رێوي گۆرانيبێژ

لايه‌لايه‌ي بۆ كردين

په‌نجێره‌ي چاومان

هيچ نابيستێ

ده‌يبه‌ستين.

گوێچكه‌مان تاريكه‌ و

هيچ نابينێ

هه‌نگاوه‌كاني سێبه‌ري شه‌و

په‌پووله‌ي سه‌وزمان

په‌ڵه‌ هه‌ورێكه‌ سه‌رگه‌ردان

ده‌گه‌ڕێ گشت ئاسماني جيهان

بێ‌ئارامه‌

تا نه‌گاته‌وه‌ ئاسماني كوردستان